> ഭ്രാന്തന്‍

> നല്ലിടയന്‍

> സ്നേഹം

സ്നേഹം 

> വര്‍ഗസ്നേഹം

                      വര്‍ഗസ്നേഹം

അബദ്ധത്തില്‍ ഒരു കുഴിയാന
മറ്റൊരു കുഴിയാനയുടെ
ഇരക്കുഴിയില്‍ വീണു.

ഇരകള്‍ വേറെയും
സുലഭമായിരുന്നിട്ടും
കുഴിയിലുള്ള കുഴിയാന
വീണവനെ
സഹര്‍ഷം മാറോടണച്ചു.

ചുംബനത്തെ
ചെറുത്തു നില്‍ക്കാനുള്ള
വൃഥാശ്രമങ്ങള്‍ക്ക്
വിരാമമായതായി
നൃത്ത-ലുപ്ത
മണ്‍തരികള്‍
മൂകമായ് മൊഴിഞ്ഞു.

> സംഘട്ടനം

സംഘട്ടനം..!

വിഭിന്ന മെയ്യുകളാണ്

ശത്രുക്കളെന്നു ഞാന്‍ ധരിച്ചിരുന്നു.

അതിനെ ശത്രുതയുടെ ഗോഡൌണില്‍

ഞാനൊരു റൈഡിന് ചെന്നു.

എന്നാല്‍,

എന്നെ ആദ്യമായി എതിരേറ്റത്

യുദ്ധ പടയങ്കിയണിഞ്ഞ

ചില വാക്കുകളും പ്രവര്‍ത്തികളുമായിരുന്നു.

പിതാവും മകനും

മാതാവും പിതാവും

ഗുരുവും ശിഷ്യനും

എലാവരും അവിടെ ഫൈറ്റില്‍ തന്നെ.

ഒരുമിച്ചുണരുകയും ഉറങ്ങുകയും

കാണുകയും കരയുകയും ചെയ്യുന്ന

നയനങ്ങള്‍ മാത്രമാണ്.

മിത്രങ്ങളെന്ന് മനസ്സിലാക്കി

പുറത്ത് വന്നപ്പോള്‍

തല്‍ക്ഷണമൊരു മഹിളാമണി...

ഉടന്‍,ഒരു കണ്ണടഞ്ഞും മറ്റേത് തുറസും

ഞാനെന്‍റെ സമവാക്യം തിരുത്തി.

മിത്രങ്ങള്‍ വാക്കിലൊതുക്കി..

> വിശപ്പ്....?

         വിശപ്പ്....?

പത്തായപ്പുരയില്‍

വെറുതെ ചിരട്ടകള്‍

നിറച്ചിരിക്കുന്നു.

വീപ്പകളിലൊക്കെയും
 വെള്ളെലിക്കുഞ്ഞുങ്ങളും
 പൊടിപിടിച്ചമാറാലകളും. 

                                                      

അടുപ്പത്തിരിക്കുന്ന കലത്തില്‍

തിളച്ചുവറ്റിയ വെള്ളവും

പട്ടിണി തീര്‍ത്ത ആവിയും.

ഈ കുട്ടികളെന്തേ

കരഞ്ഞുറങ്ങുന്നില്ലേ?                                  

ഉറക്കമേ, പതിവ് തെറ്റിച്ച്                         

വഞ്ചിക്കാനൊരുങ്ങുന്നോ?

വലിഞ്ഞൊട്ടിയ ഉരുപ്പിടിയില്‍

വില്‍ക്കാനിനിയിറച്ചിയില്ല.

മാനം തുലയ്ക്കാന്‍

ചങ്കിലെ പിടച്ചിലനുവധിക്കുന്നില്ല.

വൃക്ക പറിച്ചും കരള്‍ പിഴുതും

ചോരയൂറ്റിയും പോറ്റി.

ഇനിയും ഒഴികഴിവ് പറയാതെ

മരണം കൂടെയുണ്ട്.

ചേട്ടനെപ്പോലെ ഒരു കയര്‍--

ക്കുരുക്കിയതിലൊടുങ്ങാനും

മരച്ചീനി കട്ടെടുത്ത് കുറുക്കിയിളക്കി

വിഷം ചേര്‍ത്ത് വിളമ്പാനുമാറിയാം.

പക്ഷേ, പേടിയാണ്, മരണത്തിന്‍റെ

നിഴലിനെയും നീരാളിക്കൈകളെയും

ദയതൊടാത്ത കൂച്ചുവിലങ്ങിനെയും.

                        ***     ***   ***

                                                                                                                                                        ജ്വാല